Ички ишлар вазирлиги Жиноят қидирув бош бошқармаси веб-камера студиялари билан боғлиқ ҳуқуқбузарликларга қарши кураш олиб бормоқда. Бу ҳақда бошқарма матбуот хизмати хабар берди.
6 апрель куни ИИВ Жиноят қидирув бош бошқармаси ходимлари Бишкекда компьютер клуби ниқоби остида ишлаган веб-камера студияси манзилини аниқлади.
Ҳужжатларга кўра эр-хотин номида бўлган жарага олинган уйда 30 та компьютер топилган, улардан саккизтаси биринчи қаватдаги залда, яна 10 таси бошқа хонада, тўрттаси ертўлада ва иккинчи қаватда жойлашган. Студия ойига 700 доллар ижара ҳақи тўлаган.
Студияда 20 ёшдан 25 ёшгача бўлган етти-саккиз нафар йигит бошқа шаҳарда ёки ҳатто бошқа давлатда жойлашган моделлар ўрнига потенциал мижозлар билан мулоқот қиладиган «таржимон» бўлиб ишлаган. «Таржимонлар»нинг мақсади мижозни ўзига жалб қилиш ва имкон қадар кўпроқ пул тўлашга мажбур қилиш бўлган.
“Шу билан бирга, компьютер олдида ўтирган веб-моделлар бошқа шаҳарда ва ҳатто бошқа давлатда бўлиши мумкин. Сайтларга ташриф буюрган мижозлар ҳам бошқа шаҳарда жойлашган. Бу ерда веб-модель ўрнига видео чатга ташриф буюрувчилар билан мулоқот қиладиган «таржимон» вазифасини бажарувчи операторлар ишлаган. Маълум бўлишича, мижозни ўзига жалб қилиш ва ундан кўпроқ пул тўлаш ҳам «таржимонлар»нинг асосий вазифаси бўлган», – дейди ИИВ Жиноят қидирув бош бошқармаси ходимлари.
