Қирғизистон футбол миллий терма жамоасининг умумий қиймати 1,3 миллион еврога ошди. Бу ҳақда футболчиларнинг трансфер нархини ҳисоблаб чиқадиган Transfermarkt.de нашри хабар бермоқда.
Бир йил олдин футбол бўйича Қирғизистон терма жамоаси футболчиларининг нархи 4 миллион еврога етган. Бу сафар таҳлилчилар 29 спортчини санаб, уларнинг умумий қиймати 5 миллион 475 минг еврони ташкил этишини аниқладилар.
Рўйхатда ўтган йилги футболчилар қолиб, уларнинг сафига Эрнис Батирканов, Авазбек Откеев, Абай Боколеев, Қалисбек Акималиев, Турсунали Рустамов ва Антон Землянухин қўшилган.
Ҳозирда жамоадаги энг қиммат ўйинчи бу Валерий Кичин. Йил давомида унинг нархи 400 минг еврога тушиб кетган бўлса ҳам, у ҳали ҳам олдинда келмоқда. Ундан кейинги ўринни ҳозирда 750 минг еврога баҳоланган Гулжигит Алиқулов эгаллаб турибди. Улардан кейин Бекжан Сағинбаев ва Муролимжон Аҳмедов бормоқда.
Қайд этиш керакки, ўтган йили миллий терма жамоа пандемия сабабли бирорта ҳам ўйин ўтказмаган.
