Бош вазир ўринбосари Эркин Асрандиев куни кеча хукумат томонидан қабул қилинган аксилинқироз чораларининг иккинчи пакетида тадбиркорлик субьектлари молиявий ва вискал қўллаб-қувватлаш режалаштирилаётгани юзасидан баёнот берди.
Унинг сўзларига қараганда, режа бизнес-ҳамжамият фикри, донорлар ва парламент депутатларининг таклифиэътиборга олинган ҳолда ишлаб чиқилган, асосий урғу тадбиркорларни имтиёзли молиялашга берилган.
Режа Инқирозга қарши фондини тузиш, имтиёзли кредитлаш дастурини жорий қилиш, Кафолат жамғармасини 1 миллиард сомгача докапитализациялаш, солиқ шартномалари мажбуриятларини қайта кўриб чиқиш, капитал ва мулкларни легализациялаш, давлат ва муниципаль мулк учун ижара ҳақидан воз кечиш каби чораларни ўз ичига олади.
«Молиялашнинг асосий шартлари 3 йилдан 7 йилгача, таътиллар 12-18 ой ва миллий валютада 4-8% йиллик ставкалар билан таъминланади. Аввалига тахминан25-30 минг тадбиркорлик субъектларини қамраб олиш кўзда тутилган. Биринчи босқичда кредитлашга тахминан 14 млрд сом йўналтирилади, умуман 2020-2021 йилларда камида 40 млрд сом (506 млн доллардан кўпроқ) жалб қилинади. Маблағлар ички ва ташқи манбалардан олинади», – деди Асрандиев.
Коронавирус инфекцияси тарқалиши муносабати билан хукумат 2020 йилги республика бюджетини қайта кўриб чиқди. 2020 йилги Республика бюджетини давлат инвестиция грантлари ҳисобидан даромадлар қисмини 132 млрд 883 млн сом миқдорида ва ҳаражатлар қисмини 170 млрд 607 млн сом миқдорида тасдиқлаши кутилмоқда. 2020 йилда республика бюджетидаги камомад 37 млрд 724 млн сомни ташкил қилади.
