Чапдан ўнгга бокс бўйича тўққиз карра жаҳон чемпиони россиялик Юрий Арбачаков, ўртада жаҳоннинг мутлоқ чемпиони ва Олимпиада ўйинлари совриндори Муҳаммад Али ва етти карра жаҳон чемпиони, СССРда хизмат кўрсатган спорт устаси, қирғизистонлик спортчиси Орзубек Назаровнинг фотоси 1996-йилда Токио шаҳрида суратга олинган.
Ўша пайтда Японияда ўзининг спортдаги фаолиятини юргизган Орзубек Назаров шундай эслайди:
«Ушбу фотосурат кўчада олинган, унда жангнинг бир лаҳзасини қолдириш учун Муҳаммад Алининг ўзи ташаббус кўрсатган. Ўша йилларда россиялик ҳамкасбим Юрий билан мен жаҳон чемпиони бўлиб танилиб қолганмиз. Биз Японияда муваффақият қозонган собиқ Совет Иттифоқи республикасидан фақат иккимиз эдик. Биз машқ бажараётган спорт ташкилоти бутун дунёга танилган, афсонавий Муҳаммад Алини таклиф қилган экан. У биз билан учрашиб суҳбатлашди, биз дунёда донғи чиққан афсонавий боксчининг маслаҳатларини олдик. Мен ўшанда бир нарсага жуда ҳайратландим, учрашувда америкалик спортчи бизнинг ҳар бир учрашувимиз, ютуқларимизни кузатиб бораётгандек муомала қилди.Муҳаммад Али жуда содда ва ҳазилкаш одам эди. «Менимча боксчи билан бир жойда ўтириб суҳбат қилиш ҳар кимга ҳам насиб қилмаса керак. Шунинг учун мен ўзимни бахтли деб биламан», – деди Назаров.
Айни пайтда Орзубек Назаров якка тартибда тадбиркорлик қилиб бориб, ўзи очган спорт залида ёшларга маслаҳат бериб боради, россиялик боксчи Юрий Арбачаков эса Санкт-Петербургда мураббий бўлиб ишлайди. Муҳаммад Али 2016-йилда 74 ёшида Паркинсон касаллигидан вафот этди.
