Қирғизистоннинг турли ҳудудларидаги 70 мактаб нормал тартибда ишлаяпти. Бу ҳақда Таълим ва фан вазирининг ўринбосари Надира Жусупбекова хабар берди.
Унга кўра, Интернет мавжуд бўлмаган ва тожливирус хавфи бўлмаган ҳудудларда ўқувчилар мактабга аввалгидек қатнаб ўқишмоқда. У ҳудудларда аҳоли камлиги ва ўқувчиларнинг соғлиғи учун ҳеч қандай хавф йўқлиги сабабли рухсат берилган.
Эслатиб ўтамиз, Қирғизистонда эпидемиологик вазият унчалик яхши бўлмаган йирик шаҳарларда мактабга фақат биринчи синф ўқувчилари боришмоқда, қолган синфлар эса масофадан ўқитилмоқда.
