Президент Сўўрўнбай Жээнбеков ижтимоий оралиқни сақламай, юзқопсиз суратга тушган ҳукумат аъзоларини танқид қилиб, барчасига жарима солишни талаб қилди. Бу ҳақда у 19-июндага Ҳавфсизлик кенгашининг мажлисида маълум қилди.
Давлат раҳбари қирғизистонликларни маъсулиятли бўлишга чорлаб, айрим фуқаролар ҳақиқатга зид маълумотларни тарқатаётганини айтди. Унга кўра, улар тиббиёт ҳодимларининг куну-тун қилаётган меҳнатини ҳабата қилишмоқда.
«Касаллик орқасидан ҳукумат пул қилмоқда, бу касаллик йўқ деган маъсулиятсиз хабарлар бу касалликнинг мавжудлигидан гумон қилишга туртки бўлаётганини таъкидлади. Шунингдек, ҳукумат аъзолари тўпланиб, ижтимоий оралиқни сақламай, юзқопсиз суратга тушишди. Бу сурат бутун мамлакат бўйлаб тарқади. Ушбу кўринишлар бизнинг ҳаракатларни барбод қилади», — деди Жээнбеков.
17-июнда ижтимоий тармоқларда собиқ бош вазир Мухаммедқалый Абилғазиевни истеъфосини қабул қилиб, кузатаётган вақтда ҳукумат таркибининг юзқопсиз тушган сурати тарқаган. Шу сабабли интернет фойдаланувчилари турли танқидий фикрларини ёзишган.
18-июнь куни вазирлар маҳкамасининг матбуот котиби Чинғиз Эсенгулов ҳукуматнинг тожливирус ёйилишини олдини олишдаги ҳаракатларини барбод қилмасликни сўранган постини «Фейсбукда» эълон қилди. Шунингдек жамоатчиликдан узр сўради.
