11 майдан Бишкекка кириш экспресс-тестдан ўтган ёки COVID-19 ташхиси борасида маълумотномаси борлар учунгина рухсат берилади. Бу ҳақда пойтахт мэрининг ўринбосари Татьяна Кузнецова 4 май куни бўлиб ўтган брифингда маълум қилди.
«Фавқулотда ҳолат режими 11 майдан бекор қилингудек бўлса Бишкек хокимлиги пойтахтга одамлар ва транспорт воситаларининг кириши учун маълум чеклов чоралари киритиш масаласини муҳокама қилмоқда. Бишкекка киришда экспресс-тестданёки COVID-19 ташхиси борасида маълумотнома мавжудлиги кўзда тутилади», – деди Кузнецова.
Унинг таъкидлашича, карантин чораларини кескинлаштириш ва коронавирус аниқланган турар-жой мавзеларида ички блокпостлар ўрнатиш масаласи кўриб чиқилмоқда.
Апрел ойи сўнгидан хусусийлабораториялар пуллик асосда COVID-19 ташхисларини текшира бошлади. Соғлиқни сақлаш вазирлигининг маълум қилишича, анализлар нархи 2 минг сом (25 долларга яқин)ни ташкил қилади.
Мэриянинг маълумотига қараганда, 4 май куни Бишкекда коронавирус инфекцияси билан боғлиқ 231та ҳолат қайд қилинди, 70 ҳолат тиббиёт ходимларида, 24 таси ИИВ ходимларида аниқланди.
4 май куни Қирғизистонда 830 кишининг коронавирус инфекциясига чалингани қайд қилинди, 575 бемор соғайгани боис шифохонадан чиқарилди. COVID-19га чалинган 10 киши вафот этди.
