Қора-Сув туман ҳокимлиги раҳбари Тилекбек Матраимов истеъфога чиқмаган. Бу ҳақда ҳукуматнинг Ўш вилоятидаги вакили Байиш Юсупов маълум қилган.
Эслатиб ўтамиз, ижтимоий тармоқларда Матраимов туман раҳбари лавозимидан кетгани ҳақида миш-мишлар тарқалмоқда.
Вилоят раҳбари Юсупов бу маълумотларни рад этди ва Мартаимов қисқа муддатли таътилда эканлигини айтди.
«У ариза ёзгани ҳақида маълумот йўқ. У таътилда», – деди Юсупов.
Муҳбирлар, қачон ва қанча таътилда бўлади деб сўраганда, у «бугундан бир ой» деб жавоб берди.
Матраимов Қора-Сув туманини 2012-йилнинг февралидан бери бошқариб келади.
