Тожикистон ва Бирлашган Араб Амирликлари ўртасида авиақатновлар қайта тикланди. Душанбе-Дубай-Душанбе мунтазам рейси Дубайда жойлашган Flydubai авиакомпанияси томонидан амалга оширилади.
21 июлда бошланган авиақатнов ҳафтада уч марта амалга оширилади. Тана ҳарорати ёки тожливируснинг бошқа белгилари бўлган йўловчилар бортга киритилмайди.
Тожикистонда 7,5 минг киши тожливирус билан касалланган, улардан 6,3 минг киши даволанган. 61 бемор касаллик юқтиргандан кейин вафот этган.
Россия, Қозоғистон ва Бирлашган Араб Амирликлари шу пайтгача Қирғизистон билан мунтазам рейсларни қайта бошлашдан бош тортишган. Бу ҳақда Фуқаровий авиация агентлиги директори Қурманбек Акишев маълум қилган эди.
