Парламент депутати, собиқ спикер Чинибай Турсунбеков 6 июль куни кечқурун вафот этди. Бу ҳақда Олий Кенеш матбуот хизмати маълум қилди.
Чинибай Турсунбеков икки томонлама зотилжам (пневмония) хасталигига чалинган бўлиб, сўнги кунларда оғир аҳволда, сунъий нафас олиш ускунасига уланган эди.
Собиқ спикер Чинибай Турсунбеков 1960 йилнинг 15 октябрида Норин вилоятининг Жон-Булоқ қишлоғида туғилган.
1983 йилда Қирғиз Давлат Университетининг филология факултетини имтиёзли диплом билан тамомлаган. 1985-1988 йиллари Қирғизистон Фанлар академиясининг аспирантурасида ўқиган. 1988 йили номзодлик диссертациясини ҳимоя қилиб, филология фанлари номзоди унвонини олган.
2004 йили Қирғизистон Ташқи ишлар вазирлиги Дипломатик академиясини имтиёзли диплом билан битирган.
