Президент Сўўронбай Жээнбеков 6-июлда Ҳавфсизлик кенгашининг мажлисида вилоятлараро транспорт қатновларини тўхтатиш масаласини кўриб чиқишни таклиф қилди.
«Ҳозирда баъзи инсонлар янада қаттиқроқ карантин тартибини жорий қилишни сўранишмоқда. Бугунги вазиятга қараб республика штаби қарорларни қабул қилиши зарур. Ҳозирги вазиятда вилоятлар орасидаги транспорт қатновларини тўхтатиш имкониятларини кўриб чиқишни таклиф қиламан», — дейди Жээнбеков.
Мажлис видеоконференция форматида ўтказилди.
Давлат раҳбари аввал тўй-маросимларини ўтказишни тақиқлашга чақирганини эслатиб, республика штабига бу таклиф бўйича ўз қарорини чиқаришга чақирди.
«Мен Олий Кенгашнинг мажлисида ҳар қандай оммавий тантанали маросимларни тақиқлашга чақирган эдим. Менинг фикримча, республика штаби бу масала бўйича ўзича расмий қарор қабул қилиши керак эди».
Сўўрўнбай Жээнбеков касалхоналарда ва обсервацияларда ўринларнинг сонини кўпайтириш керакалигига эътибор қаратди. Зарурат туғилса беморларга биринчи тиббий ёрдам кўрсатиш учун қўшимча ўринларни тузиш кераклигини такидлади.
