Ўш вилоятида 12 ёшлик қизнинг ўпкасидан игна, 11 ёшдаги боланинг ўпкасидан ҳуштак жарроҳлик амалиётисиз олинди. Бу ҳақда Ўш вилоятлараро бирлашган клиник болалар шифохонасидан маълум қилишди.
Игна билан ҳуштакни ушбу шифохонанинг хирурги, бронхоскопист Элмурад Эрқулов бронхоскопия ускунаси ёрдамида олиб чиққан.
Ўзган туманининг 12 ёшдаги турғуни рўмолга санчувчи игнани оғзига солиб ўйнаётганида бўғзидан ўтиб, игна ўпкага кириб кетган. Игнанинг узунлиги – 35 мм. У қиз бугун, 25-июнь куни шифохонадан чиқарилди.
Шунингдек Қорасув туманининг 11 ёшдаги турғуни ҳуштакни оғзига солиб
олиб компьютер ўйнаётганида бўғзидан ўтиб кетган, ҳуштак ўпкага кириб кетган. Ҳуштакнинг
узунлиги 15 мм, диаметри 6 мм эди. Уни ҳам жарроҳликсиз олдик. Аҳволи яхшиланганидан
сўнг уйига чиқардик», – деди Э.Эрқулов.
