Қирғизистонда тожливирус инфекцияси қайд қилинган яна бир бемор вафот этди. Бу ҳақда, 16-июнда эпидемиологиявий ҳолат бўйича бўлиб ўтган матбуот анжуманида Соғлиқни сақлаш вазирининг ўринбосари Нурбўлўт Усўнбаев маълум қилди.
Унга кўра, 85 ёшдаги аёл киши Бишкекдаги шифохонага пневмония билан оғир ҳолатда етказилган. Лабораториявий изланишлар натижасида унда тожливирус касали аниқланган, вақтинчалик фойдаланишга берилган қирғиз-турк шифохонасига ётқизилган. Беморга зарурий ёрдамлар берилишига қарамасдан у вафот этди.
Қирғизистонда 28 инсон COVID-19 инфекциясини юқтириб олгандан сўнг вафот этган.
