Бишкекнинг Первомайск туман суди россиялик фаол Алена Крилованинг экстрадицион ҳибс муддатини чўзди. Бу ҳақда суд матбуот хизмати хабар берди.
Россиянинг “Инсон ҳуқуқлари учун” ҳаракатининг собиқ матбуот котиби, фаол Алена Крилова Бишкекдаги изоляторда сақланмоқда.
Россияда экстремистик ташкилот деб тан олинган “Сўл қаршилик” ҳаракати аъзоси Алена Крилова 4 июнь куни Бишкекда қўлга олинган эди.
Унинг ҳибс муддатини узайтириш ҳақидаги илтимосномаси қаноатлантирилди ва энди у 4 октябргача ҳибсда сақланади.
Крилова Қирғизистондан бошпана сўраган, бироқ кейин бу ниятидан қайтган.
Ҳозирда Қирғизистон Бош прокуратураси уни Россияга экстрадиция қилиш масаласини кўриб чиқмоқда.
Яна бир россиялик фаол Лев Скорякин ҳам ҳозир Бишкекда ҳибсда сақланмоқда. У ҳам Қирғизистондан бошпана сўраб, Россияга экстрадиция қилинишига қарши чиққан. Июль ойида унинг ҳам қамоқ муддати 9 сентябргача узайтирилган эди.
Аввалроқ, Екатеринбургдаги мудофаа ишлари бўлимига ўт қўйганликда айбланаётган Алексей Рожков Қирғизистондан Россияга бериб юборилган эди.
