“Ата Журт Қирғизистон”, “Ишеним” ва “Мекенчил” фракциялари Вазирлар Маҳкамаси раҳбари ўринбосари Эдил Байсаловни лавозимидан озод этишни Жогорку Кенешга таклиф қилди.
Бу ҳақда мажлисда парламент спикери Нурланбек Шакиев маълум қилди.
Фракцияларнинг таклифи бугунги йиғилиш кун тартибига киритилган, деб ёзади маҳаллий ОАВ.
Аввалроқ, мансабдор ижтимоий сиёсат қўмита йиғилишида депутатлар билан келишмовчиликка борган эди. Эдил Байсалов уларга Вазирлар Маҳкамаси ишига аралашмасликларини айтиб, ваколатларини ошириб юборишда айблади. Парламент аъзолари эса бундан ғазабланди.
Бир кун аввал депутатлар Эдил Байсаловнинг истеъфосини талаб қилган эди. Бугун Жогорку Кенеш йиғилишида халқ депутати Сайлобек Атазов Вазирлар Маҳкамаси раҳбари ўринбосарини давлатга хиёнатда айблади.
