Жогорку Кенешнинг 1 июнь куни бўлиб ўтган йиғилишида депутат Жанар Акаев Конституциявий суднинг парламент рухсатисиз унинг аъзоларига нисбатан жиноий иш қўзғатиш ҳақидаги қарорини танқид қилди.
Унга кўра, энди депутатлар регламентга ўзгартиришлар киритиши керак. Бундан ташқари, Акаев Конституциявий суд раҳбари Эмил Осконбаевни ишдан бўшатишни таклиф қилган.
«Конституцияда депутатлар баёнотлари учун таъқиб қилиниши мумкин эмаслиги белгиланган. […] Афтидан, энди парламент минбаридан чорвачиликдан бошқа ҳеч нарса ҳақида гапира олмаймиз», — деди Акаев.
Аввалроқ Конституциявий суд Жогорку Кенеш регламентининг 138 моддаси Конституцияга мос келади ва бундан буён депутатларга нисбатан жиноий иш қўзғатиш учун парламентнинг розилиги талаб қилинмайди, деган қарорга келганди.
Конституциявий суднинг таъкидлашича, «ҳуқуқий дахлсизлик, эгасидан қатъи назар, жиноят ишини ўз вақтида қўзғатишга ва жиноятни аниқлаш механизмининг нормал ишлашига тўсқинлик қилмаслиги керак».
Шу билан бирга, Қирғизистон Республикаси Конституциясининг 78 моддаси 1 қисмига кўра, депутатни жиноий жавобгарликка тортишга фақат Жогорку Кенеш депутатлари умумий сонининг кўпчилик розилиги билан йўл қўйилади, унга тегишли бўлган ҳоллар бундан мустасно.
