Бу ҳақда Соғлиқни сақлаш вазирлигига тезкор штаб йиғилиши якунлари бўйича тегишли топшириқ берилди, дея хабар бермоқда Қирғизистон Республикаси Вазирлар Маҳкамаси матбуот хизмати.
Қирғизистон 1 майдан бошлаб давлат чегарасининг бутун узунлиги бўйлаб барча транспорт воситаларида назорат-ўтказиш пунктларини кесиб ўтувчи Қирғизистон Республикаси фуқаролари ва чет эл фуқаролари учун ПЗР тестининг салбий кўрсаткичи ёки коронавирус инфекциясига қарши эмлаш сертификати бўйича мажбурий талабни бекор қилади.
Бундан ташқари, кутилганидек, Вазирлар Маҳкамасининг навбатдаги мажлисига 2020 йил 22 мартдан бошлаб мамлакатда жорий этилган фавқулодда ҳолат режимини бекор қилишни назарда тутувчи қарор лойиҳаси киритилади.
Аввалроқ Соғлиқни сақлаш вазирлиги Қирғизистондаги шифохоналарда коронавирусдан даволанаётган беморлар йўқлигини маълум қилганди. Сўнгги ойларда мамлакатда COVID-19 билан касалланишнинг камайиши кузатилди. Умуман олганда, эпидемия бошланганидан буён мамлакатда 200 990 кишида коронавирус аниқланган, 2 991 киши вафот этган.
