Олий Кенгаш депутати Марлен Маматалиевнинг айтишича, Оқ уйни таъмирлашда депутатлар ҳам ўз ҳиссасини қўшиши керак. У ҳар бир ҳамкасбига ўз кабинетини ўз маблағлари ҳисобидан таъмирлашни таклиф қилди.
«Маълум сабаблар билан ҳозирда Оқ уй таъмирга муҳтож. Ҳукумат бунинг учун 450 миллион сом ажратишга тайёр. Шу билан бирга, депутатларнинг 90 фоизи ўзларининг маблағлари ҳисобига ўзларининг ханаларини таъмирлашга қодир. Келинг, ўз маблағимизга компютерлар ва жиҳозларни сотиб олайлик », – деди Маматалиев.
Аввалроқ, Олий Кенгаш биносини тиклаш учун 400 ёки 450 миллион сомга яқин маблағ зарурлиги ҳақида хабар берилган эди.
5-октабрь куни бўлиб ўтган парламент сайловлари натижаларидан норози бўлган намойишчилар митинг ўтказдилар. 6-октябрга ўтар кечаси норозилик намойишлари бошланиб, тартибсизликлар туфайли Оқ уйга бостириб киришди. Парламент биносининг шарқий томонига ўт қўйилди.
