Президент Сўўронбай Жээнбеков Қирғизистоннинг Россиядаги элчиси Аликбек Жекшенқуловни ишдан бўшатгани ҳақида маълумот тарқади. Фармон «Эркин-Тоо» давлат газетасида эълон қилинди.
Фармонда элчи ишончни йўқотгани учун ишдан бўшатилганлиги айтилган.
Жекшенқулов Қирғизистоннинг Спутник ахборот агентлигига бу қарор кутилмаганлигини айтди.
«Ростини айсам, мен ҳали ҳам тушунмаяпман. Бунга нима сабаб бўлган эди. Ҳеч ким мен билан ишончини йўқотганлигим ҳақида гаплашмади. Шунинг учун мен ҳайронман», – деди Жекшенқулов.
Президент фармони 14-октабрда чиқарилди. Бироқ, президент матбуот хизмати пресс-релиз юбормади ёки бу ҳақда ўз веб-сайтида ёзмади.
