Собиқ бош вазир Феликс Куловнинг айтишича, Садир Жапаров ноқонуний равишда бош вазир этиб тайинланган. Кулов бу ҳақда ўзининг «Фейсбукдаги» саҳифасида маълум қилди. У парламентнинг навбатдан ташқари сессиясида кворум йўқлигини таъкидлади.
«Мажлисда 51 нафар депутат иштирок этиб, 10 нафар депутат ишонч ёрлиғига эга эканлиги эълон қилинди. Аммо залда 61 нафар депутат қатнашган тақдирдагина ушбу ишончнома кучга киради. Агар шунча депутат иштирок этмаса, депутатлар томонидан қабул қилинган қарорлар ноқонуний ҳисобланади ва улар бажарилмаслиги керак. «У вазир эмас», деб ёзган Кулов.
У қонунга риоя қилмаган депутатларнинг ҳаракатларини танқид қилиб, уларни мамлакатда «тартибсизлик яратади» деб айблади.
Феликс Кулов, шунингдек, Президент Сўўрўнбай Жээнбековнинг истеъфога чиқиши ҳақидаги эълонга изоҳ берди. Унга кўра, агар президент истеъфога чиқса, президентлик сайловлари уч ой ичида, парламент сайловлари эса бир ой ичида тайинланиши керак. Қулов президентнинг кетиши «жиноий бепарволик» бўлишидан огоҳлантирди ва барча инсонларни қонунга риоя қилишга чақирди.
10-октябрь куни Олий Кенгаш депутатлари «Ала-Арча» давлат қароргоҳида навбатдан ташқари йиғилиш ўтказиб, Садир Жапаровни Бош вазир лавозимига тасдиқлашди. Мажлисда қатнашган депутатлар ва Садир Жапаровнинг таъкидлашича, кворум мавжуд ва ҳамма нарса қонун асосида кетаётганини маъум қилишди.
Аввалроқ, Президент Сўўрўнбай Жээнбеков мамлакатда қонуний ҳукумат тузилгандан кейин истеъфога чиқишини эълон қилганди. Агар шундай бўладиган бўлса, парламент раиси йўқлигида бош вазир давлат раҳбари вазифасини бажариши керак.
