Марказий сайлов комиссияси (МСК) 4-октабр куни бўлиб ўтадиган парламент сайловларида қатнашиш учун ариза берган 17 партиянинг 15 тасини расмий равишда рўйхатдан ўтказди.
Улар:
«Мекен Ынтымагы»; – Ватан бирдамлиги;
«Мекенчил»; – «Ватанпарвар»;
«Ыйман Нуру»; – «Иймон нури»;
«Чоң Казат»; – «Буюк Ғазот»;
«Реформа»; – «Ислоҳот»;
«Республика»; – «Республика»;
«Социал-демократтар»; – «Социал-демократлар»;
«Биримдик»; – «Бирлик»;
«Мекеним Кыргызстан»; – «Ватаним Қирғизистон»;
«Ордо»; – «Ўрда»;
«Кыргызстан»; – «Қирғизистон»;
«Бир Бол»; – «Бир бўл»;
«Замандаш»; – «Замондош»;
«Ата Мекен»; – Ота Макон;
«Ооганстан согушунун ардагерлери жана ушул сыяктуу кагышууларга катышкандардын саясий партиясы» – «Афғон уруши қатнашчилари ва шу каби тўқнашувларда қатнашганларнинг сиёсий партияси».
Шунингдек «Актив» ва Бутун Қирғизистон партияларининг сиёсий мусобақада иштирок этишига рухсат берилмади.
Партиялар ўз ҳужжатларини 24 август куни топшириб, МСК номзодларнинг маълумотларини бир ҳафта давомида текширди.
Қонун бузилди деган асосда Қирғизистон партиясининг ҳужжатлари 25 август куни қайтарилган, аммо партия судда МСКни ютиб чиққан.
Марказий сайлов комиссияси (МСК) 2-3 сентябр кунлари партияларнинг ҳужжатларини расмийлаштириш ва сайловда иштирок этиш учун расмий рухсат бериш бўйича йиғилиш ўтказди. Томонларнинг сайловолди ташвиқоти 4-сентябрда бошланади.
120 мандатли Олий Кенгашнинг депутатлари ҳар беш йилда сайланади. 21 ёшга тўлган Қирғизистон фуқаролари номзод бўлишлари мумкин.
