Депутатлар Улуғ Ватан урушида қозонилган ғалабанинг 75 йиллиги ва Апрель Халқ инқилобининг 10 йиллиги муносабати билан амнистия тўғрисидаги қонун лойиҳасини парламентга тақдим қилиш масаласини кўриб чиқдилар.
Қонун лойиҳасига кўра 60 ёшдан катта эркаклар ва 55 ёшдан катта аёллар, имконияти чекланган шахслар, I ва II гуруҳ ногиронлари, оилада ягона боқувчи бўлган шахслар, икки нафар вояга етмаган фарзанди бўлганлар ва ёки имконияти чекланган фарзанди бўлганлар, шунингдек биринчи марта оғир жиноят қилганлар жиноий жавобгарликдан озод қилиниши кўзда тутилган.
Амнистия қотиллик, саломатликка оғир зарар етказган,бедаво касалликни юқтирган, эркинлик ва жинсий дахлсизликка қарши жиноят содир қилган, гиёҳванд моддалар тарқатиш билан боғлиқ жиноятлар ва амалий жиноятларни содир этганларга қўлланилмайди. Айрим маҳкумларнинг муддати қисқартирилиши таклиф қилинмоқда.
Депутат Мирлан Бакировнинг айтишича, Қирғизистондаги қамоқхоналарда 9500 дан ортиқ маҳкум бор, амнистия қабул қилингудек бўлса 1202 нафари озод қилинади.
Жоғорку Кенеш қонун лойиҳасини биринчи ўқишда қабул қилди.
