Жаҳон соғлиқни сақлаш ташкилотининг Қирғизистондаги вакили пулмонолог Алийна Алтимишеванинг сўзларига кўра, ўлимга сабабчи бўлган, юқумли бўлмаган тўртта касалликнинг асосий сабабчиси сигарет чекиш ҳисобланади.
Қирғизистонда куч-қуввати бор 70 ёшгача бўлган эркакларнинг 48 фоизи сигарет чекишади. Бу ҳақда Алийна Алтимишева Спутник Қирғизистон радиосига берган интервюсида айтиб ўтди.
Унга сўзларига кўра, мамлакатда чекувчилар сони йилдан-йилга ортиб бормоқда.
«Дунёда энг кўп ўлимга олиб келадиган тўртта юқумсиз касаллик мавжуд. Улар юрак-қон томир касалликлари, ўпка касалликлари, саратон ва қант-диабети. Афсуски, бу касалликларнинг асосий сабабчиси сигарет чекишдир. Демак, сигарета чеккан одамлар ўз ҳаётларини хавф остига қўйишмоқда. Масалан, ҳар бир инсон ҳозирги кунда 70-80 ёшгача яшаши керак. Аммо сигарет чекиши натижасида уларнинг ҳаёти қисқаради. Ҳозир Қирғизистонда 70 ёшгача бўлган меҳнатга лаёқатли эркакларнинг 48 фоизи чекишади», – деди Алтимишева.
Шифокорнинг такидлашича, чекувчилар сонини камайтириш
учун ҳукумат сигарет нархини ошириши ва унинг рекламасини тақиқлаш керак.
