Turkish Airlines авиакомпанияси июннинг сўнгида Түркиядан Бишкекка парвозларни амалга оширади. Бу ҳақда компаниянинг расмий сайтида маълум қилинди.
Унга кўра, июннинг сўнгида хафтасига уч маротаба павозлар амалга оширилади. Шунингдек 1-июлдан бошлаб хафтасига 4 маротаба авиарейсларни қайта йўлга қўяди.
Аммо Қирғизистон томони тожливирусга қарши республика тезкор штабининг қарори чиқмагунича, «Манас», Ўш аэропортлари халқаро парвозларни қабул қилмаслигини айтмоқда.
Turkish Airlines авиакомпанияси бундан ташқари, 1-июлдан бошлаб Душанбе, Тошкент, Нур-Султон, Деҳли, Исломобад, Мумбай шаҳарларига ҳам бўлган авиарейсларни қайта тиклаганини ёзмоқда.
Эслатиб ўтамиз, Turkish Airlines 10-июнда халқаро авиарейсларни йўлга қўйган. Туркияда ички парвозлар 1-июнда тикланган эди. Тожливируснинг мамлакатда ёйилиши сабабли, халқаро ва ички парвозлар март ойининг сўнгида тўхтатилган эди.
