АҚШнинг Нью-Йорк шаҳридаги Бруклин туманида бу ҳафта икки ўзбекистонлик коронавирусдан вафот этган. Бири эркак ва бир аёл. Ёшлари 50-60 орасида. Улар Қўшма Штатларда оилалари билан доимий яшаб келган.
Марҳум эркак Нью-Жерси штатида, коронавирусдан жон берганлар бўйича қоидалар асосида дафн этилган. Маросимда оз одам қатнашган. Жаноза ўқилган, лекин бошқа урф-анъаналар четлаб ўтилган. Бугуннинг аччиқ ҳақиқати, деди гувоҳлар.
Нью-Йоркда ўн минглаган ўзбекистонликлар яшайди. Ҳудудда кенг тарқалган коронавирусдан азият чекаётганлар орасида улар ҳам анчагина.
“Америка Овози”
