Қирғизистоннинг Жалолобод вилоятига қарашли Бекобод қишлоғида йирик ёнғин содир бўлди.
Дастлабки маълумотларга кўра, пичан ортилган юк машинаси электр симларига тегиб кетган. Бунинг оқибатида учқун чиқиб, пичанга ўт кетган.
Ёнғин қисқа вақт ичида бутун машинани қамраб олган ва кейин яқин атрофда жойлашган турар жой уйларига ҳам тарқалган.
Ёнғинни ўчириш ишларига ўт ўчирувчилар жалб этилган. Ёнғиннинг майдони, жабрланганлар ҳамда зарар кўрган бинолар ҳақидаги маълумотларга аниқлик киритилмоқда.
Ҳодиса юзасидан тегишли идоралар томонидан текширув ишлари олиб борилмоқда.
