Эркин журналист Эламан Каримшаков ўзининг ижтимоий тармоқдаги пости сабабли Президент администрациясининг Ахборот сиёсати бўлими раҳбари Дайирбек Орунбеков томонидан таҳдидга учраганини маълум қилди. У президентдан мазкур мансабдорга нисбатан чора кўришни сўради. Бу ҳақда у 21 июль куни Facebook саҳифасида ёзиб, икковининг телефон суҳбати аудиосини ҳам эълон қилди.
Президент администрациясининг Ахборот сиёсати бўлими раҳбари Дайирбек Орунбеков эса Эламан Каримшаковнинг баёноти юзасидан ҳозирча изоҳ бергани йўқ.
