Қирғизистон президенти администрациясининг Ахборот сиёсати бўлими раҳбари Дайирбек Орунбековнинг чет элликлар ҳақида «ёлғон маълумот» тарқатганлар «жавобгарликка тортилиб, қамалади» деган баёноти муҳокамаларга сабаб бўлди.
У эълон қилган рўйхатдан таниқли ҳуқуқ ҳимоячилари, юристлар ва сиёсий таҳлилчилар ҳам ўрин олган.
Фаоллар буни қўрқитишга уриниш ва фуқароларнинг шахсий маълумотларини ошкор қилиш деб баҳолаб, бундай ҳаракат қонунга зид эканини таъкидламоқда.
