Президент Садир Жапаров ёш қирғизистонликларни бугунги байрам билан табриклади
Халқаро болаларни ҳимоя қилиш куни муносабати билан йўллаган табригида у болаларни билимли, ахлоқли, меҳнаткаш ва ватанпарвар шахслар бўлиб етишишга чақирди.
«Кўп ўқиб, кўп ўрганинг ва ўзингизга юксак мақсадлар қўйишдан қўрқманг. Чунки эртага сиз мамлакатимизни ривожлантирасиз ва Қирғизистонни дунёга танитасиз», -деди Жапаров.
Давлат раҳбари шунингдек, ота-оналарга мурожаат қилиб, болага муносиб тарбия ва чуқур таълим бериш миллат келажагига инвестиция эканлигини таъкидлади.
