16 октябрь куни марҳумнинг отаси А.А. матбуот анжуманида тергов ва мактаб жамоасига ўз даъволарини билдирди. Бу ҳақда Ўш шаҳар ички ишлар бошқармаси расмий баёнот берди.
Маълумотларга кўра, 2024 йил 27 декабр куни Ўш шаҳрида яшовчи фуқаро ИИБга мурожаат қилиб, унинг 2009 йилда туғилган 52-сонли ўрта мактабнинг 9-синф ўқувчиси А.А. бедарак йўқолганини билдирган.
Тинтув давомида қизнинг жасади Тўлайкан қишлоғидаги қурилиши тугалланмаган уйдан топилган. Суд-тиббий экспертиза унинг бўйнига сиртмоқ боғлангани ва механик асфиксиядан вафот этгани аниқланган.
Кейинроқ қизнинг хулқ-атвори ва психологик ҳолатини аниқлаш учун ўлимдан кейинги психиатрик экспертиза тайинланди.
Шу йилнинг май ойида жиноят иши қўзғатишни рад этиш тўғрисида қарор қабул қилинган, бироқ шаҳар прокуратураси бу қарорни бекор қилган ва иш терговга қайтарилган.
Ҳозирда тергов давом этмоқда ва унинг натижаси психиатрик экспертиза хулосаси асосида аниқланади.
