Қирғизистон Соғлиқни сақлаш вазирлиги сўнгги текширув натижаларига кўра, Ўш шаҳри, Аравон ва Қорасув туманларидан олинган сув намуналарида холера вибриоси Vibrio cholerae O1 (Огава тури) аниқлангани ҳақида хабар берди.
Бироқ, у авирулент, яъни одамлар учун хавфли эмас ва эпидемик салоҳиятга эга эмас.
Вазирлик ҳеч қандай эпидемиологик хавф йўқлигини, бироқ унинг олдини олиш учун барча зарур чоралар кўрилаётганини таъкидлади:
• ҳудудий санитария хизматлари хабардор қилинган ва профилактика тадбирлари олиб борилмоқда;
• мувофиқлаштирувчи органларнинг навбатдан ташқари йиғилишлари ўтказилди;
• олдинги машғулотлар давомида хизматларнинг тайёрлиги текширилган.
Муассаса аҳолини ошқозон-ичак касалликларининг олдини олиш учун оддий қоидаларга амал қилишга чақиради: қайнатилган ёки шишага солинган сув ичиш, қўлни совун билан ювиш, мева ва сабзавотларни яхшилаб ювиш, қайноқ сув билан чайиш.
Агар қусиш ёки диарея каби аломатлар пайдо бўлса, шифокор билан маслаҳатлашиш керак.
Соғлиқни сақлаш вазирлиги вилоятда вазият барқарор эканини таъкидлаб, фуқароларни фақат расмий манбалардан маълумот олишга, ёлғон маълумот тарқатмасликка чақирди.
