Қирғизистон Маданият вазирлиги фильмни ёш режиссёр Канибек Кальматов суратга олишини, у буюк адибнинг таржимаи ҳолини суратга олиш учун эксклюзив ҳуқуқни қўлга киритганини таъкидлади.
“Фильм ёзувчининг болалик давридан то жаҳон саҳнасида тан олинишигача бўлган ҳаётининг асосий босқичларини қамраб олган тўлиқ метражли биографик драма бўлади”, — дейилади хабарда.
Кальматов ВГИК кинематография факультети битирувчиси. “Жаннат онанинг оёғи остида” (“Бейиш эненин таманында”) фильмининг бош оператори.
Фильмнинг премераси 2026 йилга мўлжалланган бўлиб, ёзувчининг ўғли Элдар Айтматов билан шартнома имзолангани қўшимча қилинган.
