Миллионлаб қозоғистонликларнинг шахсий маълумотлари интернетга тарқалди, деб хабар берди ТSARКА киберхавфсизлик маркази.
Маълумотлар “Қозоғистон фуқаролари 2024” номи остида сиздирилган.
Чиқарилган маълумотлар қуйидагиларни ўз ичига олади:
• исми, туғилган йили, жинси;
• ШИН (шахсий идентификация рақами);
• манзил;
• уй, иш ва мобил телефон рақамлари;
• фуқаролик, миллати ва яшаш жойи.
Маълумотларнинг бир қисми тиббиёт муассасаларидан олинган бўлиши мумкинлиги айтилмоқда. Ҳозирда маълумотлар айнан қаердан сизиб чиққанини аниқлаш устида иш олиб борилмоқда.
