Қирғизистон қонунчилигида икки ёки ундан ортиқ хотин билан никоҳ асосида яшаш жамоат ишлари, ахлоқ тузатиш ишлари ёки жарима билан жазоланади.
Жўқорғу Кенеш ахборот хизмати раҳбари Жайил Русланов парламентда кўпхотинликка рухсат берувчи қонун лойиҳаси тайёрланаётгани ҳақидаги маълумотни рад этди.
4 январь куни Русланов ижтимоий тармоқларда бу ҳақида тарқалаётган хабарлар ҳақиқатга тўғри келмаслигини айтган.
“Эслатамиз, ёлғон маълумот тарқатганлик учун ҳам қонунчиликда жавобгарлик назарда тутилган”, деб ёзади Русланов.
Аввалроқ ижтимоий тармоқларда парламент қўшхотинликни легаллаштириш устида ишлаётгани ҳақида хабарлар тарқалган эди.
Қирғизистон қонунчилигида икки ёки ундан ортиқ хотин билан никоҳ асосида яшаш жамоат ишлари, ахлоқ тузатиш ишлари ёки жарима билан жазоланади.
