Қирғизистонда мамлакат президентиниг олтин экспортини тақиқловчи фармоннинг амалга ошириш муддати қолдирилди.
Қирғизистон кон-металлургия корхоналари касаба уюшмаси 1 майдан руда ва контцентрат экспорти тақиқланса, кончилик корхоналари тўхтаб қолишидан огоҳлантирди.
2020-йилда ҳали бош вазир бўлган вақтида Садир Жапаров Ала-Бука ва Чотқол вилоятлари аҳолиси билан учрашувда конлардан концентрат экспорти тақиқланишини айтган эди. 2022 йилда эса Жапаров Қирғизистондан олтин рудаси ва олтин концентратини олиб чиқишни (экспорт қилишни) вақтинча тақиқлаш тўғрисидаги фармонни имзолади. Ҳужжатни тайёрлаш жараёнида президент маъмурияти ушбу фармонни амалга ошириш муддати кейинга сурилгани, тақиқ келаси йилдан кучга кириши ҳақида хабар берган эди.
Аввалроқ, Норин ва Жалолобод вилоятларида қазиб олинадиган рудалар ва турли металларни ўз ичига олган концентратлар божхона ва солиқ тўловларни тўламасдан чет элга назоратсиз олиб кетилиши ҳақида бир неча бор бонг урилган, бироқ у ҳеч қачон назоратга олинмаган.
2021 йилнинг бошида президентликка сайланганидан кейин Садир Жапаровнинг чиқарган бешта фармонидан бири тоғ-кон саноатига таалуқли бўлиб, у конларда ноқонуний қазиб олиш устидан назоратни кучайтириш, ер қаъридан оқилона фойдаланиш ва лицензиялаш масалаларини тартибга солиш, саноат ва экологик хавфсизликни таъминлаш каби бир қатор долзарб чора-тадбирларни ўз ичига олди.
