Президент маъмурияти хусусий самолётни ижарага бериш тартибини якунламоқда. Бу ҳақда президент Садир Жапаров матбуот котиби Эрбол Султонбоев маълум қилди.
Унинг сўзларига кўра, Қирғизистон томони Bombardier Challenger ёки Embraer Legacy компаниясидан “ихчам, кичик делегацияларнинг хорижий давлатларга ташрифи учун мўлжалланган” реактив самолёт сотиб олишга қарор қилган.
“Бугунгача ундаги барча рейслар эгаси компания билан келишилган ҳолда бепул амалга оширилган. Қирғизистон томони фақат авиация ёқилғиси, жумладан, президент Жапаровнинг Қатар давлатига бугунги иш сафари учун харажатларни ўз зиммасига олди”, — деб ёзади Султонбоев.
2022 йил сентябрь ойида Садир Жапаров Нью-Йоркка амалий ташриф билан борган ва у ерда шахсий Bombardier Global Express XRS самолётида учган. Кейин президент матбуот котиби президент маъмурияти хусусий самолётни ижарага олмоқчи эканини айтди. Янги самолёт хорижий рейслар учун 1-сонли самолёт сифатида ишлатилиши режалаштирилган.
Бундан ташқари, Султонбоев президент илгари учган Ту-154 самолёти “кўп ёнилғи” истеъмол қилишини ва эскирган самолёт ҳар доим ҳам Европа ёки АҚШга уча олмаслигини таъкидлади.
Эслатиб ўтамиз, аввалроқ давлат раҳбари матбуот хизмати Садир Жапаров Доҳага амалий ташриф билан жўнаб кетгани ҳақида хабар тарқатган эди.
Шу билан бирга, Қатар ОАВлари унинг жаҳон чемпионатига келгани ва Аргентина – Франция финал ўйинини томоша қилгани ҳақида хабар тарқатди.
