Республикадаги эпидемиологик вазият сабаб Бишкек, Ўш ва Жалолобод шаҳарларида, Норин вилоятининг От-Боши туманида фавқулотда холат муддати 10-майгача узайтирилади. Бундай қарор 28-апрелда президент Сўўрўнбай Жээнбеков ўтказган Хавфсизлик кенгашининг тор доирадаги йиғинида қабул қилинди.
Қолган ҳудудларда фавқулотда холат тўхтатилиб, фавқулотда вазият тартиби кучида қолдирилади.
“Ҳукумат, барча давлат идоралари, Хавфсизлик кенгаши тарафидан тавсия қилинган тегишли антикризис тадбирларни давом эттириш зарур. Режага ўзгартиришларни киргизганда, комендатураларнинг, маҳаллий ҳукуматнинг бизнесга енгилликларни бериш бўйича тегишли таклифларини, фикрларини ҳисобга олиш керак”, — деди Жээнбеков.
Қонун бўйича, Фавқулотда холат режимини узайтириш бўйича қарорни парламент маъқуллаши керак. Аввалроқ депутат Дастан Бекешев бу масала бўйича йиғин 30-апрелда ўтишини ҳамда тартиб муддати узайтирилиши мумкин деб билдирган.
Жорий йилнинг 22-мартидан давлатда фавқулотда вазият эълон қилиниб, 25-мартдан 15-апрелгача эса Бишкек, Ўш ва Жалолобод шаҳарлари, Новқат, Қорасув ва Сузоқ туманларида эса фавқулотда холат жорий қилинган.
Норин шаҳри ва От-Боши туманида ҳам коронавирусга чалинганлар сони кескин ортгани сабаб, 15-апрелдан бошлаб фавқулотда холат эълон қилинган.
15-апрел куни коронавирусга қарши курашиш республика штаби таклифи билан президент фавқулотда холат муддатини 1-майгача узайтирган.
