Бюджет тақчиллиги туфайли ижтимоий фонд салбий чораларни кўриши керак. Бу ҳақда Қирғизистон Республикаси Ижтимоий жамғармаси раисининг ўринбосари Гулнура Жуматаева бугун Олий Кенгаш йиғилишида айтиб ўтди.
Унга кўра, 2019-йилда 47 минг Қирғизистон фуқароси пенсияга чиққан.
«Биз администрациялашни, Ижтимоий жамғармани оптималлаштиришни таклиф қиламиз. Бундан ташқари, биз салбий чораларни кўришимиз керак. Ўтган йили 47 минг нафар янги пенисионерлар қўшилди, уларнинг ярми ёшига етмаган ҳолда пенсияга чиққан. Буларнинг барчасини қайта кўриб чиқишимиз керак. Акс ҳолда, пенсионерлар кўпаяди », – деди у.
