24 апрел куни Бишкекка бортида 351 нафар Қирғизистон фуқороси бўлган чартер рейси Туркиядан келди. Бу ҳақда ташқи ишлар вазирлигининг матбуот хизмати хабар берди.
Республика оператив штабининг хабар қилишича, фуқоролар Қирғизистон ва Туркия ўртасида авиақатновлар тўхтатилганидан бери мана шу рейсни кутишган эди.
Ташқи ишлар вазирлигининг хабар беришича, чартер рейсида 349 киши келди.
Аввал хабар берилганидек, хориждан келган қирғизистонликларнинг ҳаммаси обсервацияга жойлаштирилади. Бундан аввал, 17 апрел куни Истамбулдан чартер рейси билан Қирғизистонга 211 киши келган эди. Улардан бирида COVID-19 аниқланди, у билан мулоқотда бўлган киши ҳам обсервацияга жойлаштирилди, ташхисларида манфий натижа бўлганлар уй карантинига юборилди.
Вазирлар маҳкамасининг маълумотига кўра, жаҳон бўйлаб коронавирус инфекцияси тарқала бошлагач дунёнинг турли мамлакатларидан Қирғизистонга 4 мингдан ортиқ қирғизистонлик қайтиш истагини билдирган.
Бундан аввал Жоғорку Кенеш депутатлари хориждаги қирғизистонликларни қайтариш масаласида транспорт йўлаги ташкил қилиш ва чартер рейсларни уюштириш борасида зудлик билан чоралар кўриш мақсадида хукуматга топшириқ берган эди.
