Президент вазифасини бажаришни бошлаган парламент спикери Талант Мамитов қирғиз халқига мурожаат қилди.
Эслатиб ўтамиз, Қирғизистон Республикаси Бош вазири, мамлакатнинг муваққат президенти Садир Жапаров президентлик сайловларида қатнашиши сабабли истеъфога чиққанди. Шу муносабат билан, Қирғизистон Конституциясига мувофиқ, президент вазифасини бажарувчи ваколатлари Жўқорғу Кенгес спикери Талант Мамитовга ўтди.
Талант Мамитов ўзининг халққа мурожаатида «халқимиз кўплаб синовларни бошидан кечирган, эркинлик ва адолатни қадрлаган ҳолда, қисқа вақт ичида 5-6 октябрь кунлари бўлиб ўтган халқ ғазабидан сўнг ўткир сиёсий инқирозни тинчлик билан енгиб, ўзларининг бирлигини мустаҳкамлашини» таъкидлади. “Коррупцияга қарши курашни кучайтириш бўйича қатъий қадамлар қўйилмоқда. Кичик ва ўрта бизнесни ҳимоя қилиш ва ривожлантириш бўйича ишлар кучайтирилди. Мамлакатдаги эпидемиологик вазиятни барқарорлаштириш учун профилактика чоралари кўрилмоқда. Қирғизистон яқин ва узоқ хорижий мамлакатлар билан шерикликни янада чуқурлаштиришга тайёр «, деб ишонтирди ҳамда »барча халқаро мажбуриятлар, аввалги икки томонлама ва кўп томонлама келишувлар ва битимлар тўлиқ бажарилмоқда“ деди.
Шу билан бирга, у «халқнинг илтимосига биноан конституциявий ислоҳотга тайёрланаётганини» ва ҳозирги асосий вазифа «2021 йил 10 январга белгиланган президент сайловларини очиқ ва қонуний ўтказиш» эканлигини эслади. “Барча номзодлар учун тенг шароитлар яратиш орқали халқ иродасини эркин ифода этишини таъминлаш керак. Давлат раҳбарининг вазифаларини ўз зиммамга олсам, мен халқ ва давлат олдидаги шахсий жавобгарликни ҳис қиламан. Ўзимнинг конституциявий ҳуқуқларим доирасида, президент вазифасини бажарувчи сифатида, мен одамларнинг тинч ҳаёти ва мамлакат яхлитлигини ҳимоя қилиш учун ҳамма нарсани қиламан“, — дея ваъда қилди Талент Мамитов “барча фуқароларни тўсиқ ва қийинчиликларни енгишда ўз ҳиссасини қўшишга“ даъват этиб.
Қирғизистонда 4 октябрда бўлиб ўтган парламент сайловларидан сўнг, натижалар фуқаролар ўртасида норозиликни келтириб чиқарди. МСК сайлов натижаларини бекор қилди ва Президент Сооронбай Жеэнбеков 15 октябрда истеъфога чиқди.
Конституцияга кўра, унинг ваколатлари парламент спикерига ўтиши керак эди, аммо спикер уларни бажаришдан бош тортди. Натижада, 5 октябрдан 6 октябрга ўтар кечаси қамоқдан озод қилинган Бош вазир Садир Жапаров давлат раҳбари вазифасини бажарувчи бўлди.
Янги давлат раҳбарини сайлаш 2021 йил 10 январга белгиланган. Президент сайловида қатнашиш учун 63 киши ариза ҳужжатларини топширган, шулардан саккизтаси аёллар, қолган 55 нафари эркаклар.
