Бишкекда Қирғизистон парламенти биноси – Жўқорғу Кенгес атрофидаги тўсиқни бузиш ишлари бошланди.
Бишкек мери вазифасини бажарувчи Балбак Тулобаевнинг сўзларига кўра, муниципалитет янги сайланган парламент спикери Талант Мамйтовдан тегишли буйруқ олган. Деворнинг фақат бир қисми бузилмасдан қолади, уларда апрель воқеалари пайтида ҳалок бўлган фуқаролар номи ёзилган ёдгорлик плакатлари ўрнатилади.
Аввалроқ, 4 ноябрь куни Жўқорғу Кенгеснинг спикери этиб сайланган Талент Мамитов ўз ишини парламент биноси яқинидаги панжарани демонтаж қилишдан бошлашини маълум қилганди. Унинг фикрига кўра, шу йўл билан ҳокимият «халққа яқинроқ» бўлади.
Парламент биноси атрофи атрофидаги панжара 1997 йилда Асқар Акаев даврида ўрнатилганди.
4 октябрь куни Қирғизистонда парламент сайловлари бўлиб ўтди. Эртаси куни Марказий сайлов комиссияси уларнинг дастлабки натижаларини эълон қилди ва бир қатор мухолиф партиялар уларни бекор қилишни талаб қилишди. Бишкекда тартибсизликлар билан бирга оммавий норозилик намойишлари бошланди. 6 октябрга ўтар кечаси намойишчилар парламент ва президент девони жойлашган Оқ уйни эгаллаб олишди ва таниқли сиёсатчиларни қамоқдан озод қилишди.
Намойиш пайтида полиция намойишчиларга қарши махсус воситалардан, шу жумладан махсус техникадан фойдаланган. Натижада, ўнлаб ёшлар кўз ўтлари билан касалхонага ётқизилди, уларнинг аксарияти кўр бўлганлар.
