Қирғизистонлик боксчи Азиз Сатибалдиев UFCдаги илк жангини Абу-Дабидаги (Бирлашган Араб Амирликлари) Яс боксчилар оролида ўтказиши мумкин.
Аввалроқ Азиз Сатибалдиев UFC билан 4 та ўйинга шартнома имзолагани ҳақида хабар тарқалган эди.
Кейинчалик Сатибалдиев биринчи ўйинини Бирлашган Араб Амирликларида ўтказиладиган турнирда ўтказиши мумкинлигини бир неча маротаба айтган эди.
Бир ҳафта олдин Сатибалдиев ва унинг жамоаси Яс оролига жўнаб кетишди.
UFC 254 турнири 24-октабрь куни Яс оролида бўлиб ўтади. Енгил вазн чемпиони Ҳабиб Нурмагомедов америкалик Жастин Гэйтжи билан тўқнаш келади.
Худди ўша мусобақа давомида Ҳабиб Нурмагомедовнинг амакиваччаси Умар Нурмагомедов UFCда дебют қилмоқчи эди. Унинг рақиби қозоғистонлик Сергей Морозов бўлар эди. У UFCдаги биринчи жангига ҳали ҳам тайёрланмоқда.
18-октабр куни Умар Нурмагомедов иситмаси билан Дубай касалхонасига олиб кетилди. Унинг рақиби Сергей Морозов Инстаграмдаги саҳифасида UFC бир нечта боксчиларга Умар Нурмагомедовни алмаштиришни таклиф қилганини айтди.
Азиз Сатибалдиев ҳозирда Дубайда машғулот ўтказмоқда. У Сергей Морозовга қарши чиқиши мумкин.
