Россияда уйи бўлган чет элликларга мигрантларни рўйхатдан ўтказишга рухсат берувчи федерал қонун қабул қилинди. Бу ҳақда РИА Новости ёзмоқда.
Аввалроқ «Россия Федерациясида бошқа мамлакатлар фуқароларини ёки фуқаролиги бўлмаган шахсларни миграцион рўйхатдан ўтказиш тўғрисида» ги қонунга ўзгартишлар киритилиб, июнь ойида Президент Владимир Путин томонидан имзоланган эди.
Ҳужжатга кўра, бундан буён Россияда ўз яшаш жойига эга бўлган чет элликлар бошқа чет элликларни ўз уйларида қабул қилиб, руйхатдан ўтказа олишади.
Шунингдек, ушбу қонунда ўз ватандошларини Россияга келишида ёрдам бериш бўйича давлат дастурининг чет эллик иштирокчиларига сиртдан келган қариндошларини 30 кунгача рўйхатдан ўтказмаслик имкониятини беради.
