Қирғизистон Президенти Сўўрўнбай Жээнбеков бугун, 13-август куни Ўзган тумани ҳудудий шифохонасининг туғруқ бўлими қурилишини кўздан кечирди.
Таъкидлаш жоизки, туғруқхона 1965 йилда қурилган бўлиб, 60 ўринли сиғимга эга. Бино фойдаланишга топширилгандан бери мукаммал таъмирланмаган.
Янги бино қуриш зарурати бир неча бор кўтарилган. Бироқ, маблағ етишмаслиги сабабли муаммо ҳал қилинмай келган.
Муаммони ҳал қилиш учун Кувайтнинг «Ал-Сафа» хайрия жамғармаси вакиллари билан музокаралар олиб борилиб, 2019-йилнинг декабр ойида туғруқхонанинг янги биноси қурила бошланган.
Ҳозирда қурилиш ишларининг кўп қисми якунланди, ушбу бино 2020-йилнинг кузида фойдаланишга топширилиши кутилмоқда.
Тўғруқхонанинг янги биноси замонавий тиббий ускуналар билан жиҳозланади.
Президент Сўўрўнбай Жэнбеков замонавий жиҳозланган бундай шифохоналарнинг бўлиши, авваламбор, қишлоқликнинг соғлиғига ғамхўрлик эканини мамнуният билан таъкидлади.
