Ўшда Оқ-Бура дарёси соҳилини ободонлаштириш ишлари бошланди. Бу ҳақда Давлат экотехника инспекциясининг Ўш шаҳридаги минтақалараро бўлими бошлиғи Рисбек Юсупов маълум қилди.
Маълумотга кўра, Оқ-Бура дарёси соҳилидаги ноқонуний иншоотлар олиниб, лойиҳага мувофиқ ишлар олиб борилмоқда.
«Ўш шаҳар экотехника назорати ноқонуний иншоотлар эгаларига ўз вақтида кўрсатмалар берди ва улар иншоотларни бўшатишмоқда. Бугунги кунда қурилиш ишлари бошланди. Қурилиш ишлари лойиҳага мувофиқ олиб борилмоқда », – деди Юсупов.
Оқ-Бура дарёси соҳилини ободонлаштириш учун Ўш шаҳар мерияси лойиҳа тузган ва тендер эълон қилган. Ўш капитал қурилиш бошқармаси бошлиғи ўринбосари Шумқар Пайзиевнинг сўзларига кўра, тендер якунланиб, ғолиб бўлган компания ишни бошлади.
«Тендерни Ўш шаҳар капитал қурилиш бошқармаси эълон қилди. Тендерда»Капитал қурилиш» МЧЖ ғолиб чиқиб, 251 миллион сўмга қурилишни амалга оширишга рози бўлди. Бугунги кунда қурилиш ишлари бошланди. С. Бахапов кўчасида қурилиш ишлари олиб борилмоқда ”, – деди Пайзиев.
