«Ата Мекен» партиясининг лидери, парламентнинг собиқ депутати Ўмурбек Текебаев ва унинг рафиқаси Айгул Текебаева тожливирус юқтириб олди. Маълумотни 24.kg агентлигига уларнинг яқинлари тасдиқлашган.
Маълумотга кўра, Ўмурбек Текебаевнинг тана ҳарорати кўтарилиб уйида ётибди. Рафиқасига COVID-19 ташҳиси қўйилган, ҳозирда шифохонага ётқизилган.
Эслатиб ўтамиз, аввал Олий Кенгашнинг аппаратининг ҳодимларида ва депутатларда тожливирус қайд қилинган. Экс-спикер, депутат Чинибай Турсунбеков икки томонлама зотилжамдан вафот этиб, 7-июлда дафн қилинди.
