Қирғизистонда 6 сиёсий партия «Ата Мекен Жаңы дем» бирлашмасини тузди, 2020-йилнинг куз ойларида бўлиб ўтадиган парламент сайловларига тайёргарликни бошлаганини эълон қилишди.
Ҳамкорлик ҳақидаги битимга «Ата Мекен» (Ота Макон) партиясининг асосчиси Ўмурбек Текебаев, «Ак шумкар» (Оқ шумқор) партиясининг раиси Темир Сариев, ҚСДП партияси ҳаракатининг раиси Рискелди Мўмбеков, «Жаңы Дем» (Янги нафас) партиясининг раиси Тилек Тўўтўғазиев, «Жашыл күчтөр» (Яшил кучлар) партиясининг раиси Азамат Темирқулов, Қирғизистон либерал-демократлар партиясининг раиси Жанар Акаев имзо чекди.
