Ўш вилоятининг Ўзган туманида қотилликда гумон қилинган фуқаро воқеадан кўп ўтмай қўлга олинди.
Милиция маълумотига кўра, 15 июн куни кечқурун 2003 йилда туғилган Т.Р. ва унинг синфдоши, 2004 йилда туғилган Э.С. учрашиб, суҳбатлашишган, аммо улар ўртасида келишмовчилик юзага келган.
Жанжал пайтида гумонланувчи Э.С.нинг кўкрак қисмига ўткир буюм билан икки марта пичоқ уриб, воқеа жойидан қочиб кетган.
Жабрланувчи касалхонага олиб кетилмасдан олдин вафот этган.
Ушбу факт бўйича «Қотиллик» моддаси бўйича жиноий иш қўзғатилган ва кўрилган тезкор чоралар натижасида гумонланувчи жиноят излари йўқолишидан олдин ҳибсга олинган.
У вақтинчалик сақлаш ҳибсхонасига олиб кетилган.
Ҳозирда тегишли текширувлар тайинланган ва тергов давом этмоқда.
