Ўш вилоят ички ишлар бошқармаси маълумотига кўра, Ўзган-Мирза-Аке автомагистралида йўл-транспорт ҳодисасини содир этиб, воқеа жойидан қочиб кетган ҳайдовчи ҳибсга олинган.
Маълумотга кўра, 1 июн куни кумуш рангли Мерcедес-Бенз C200 автомобили тўхтаб турган Киа К5 русумли автомобилга урилиб, кейин Ўш шаҳри томон қочиб кетган.
Ҳайдовчини тўхтатиш учун бир нечта назорат пунктларидан фойдаланилган бўлса-да, у милиция ходимларининг қонуний талабларига бўйсунишдан бош тортган.
Кейинроқ, «Қирғиз-Чек» постида ҳайдовчи патрул машинасига урилиб, кейин тўхтатилгунга қадар Hyundai Портер юк машинаси билан тўқнашган. Текширув давомида унинг маст ҳолатда эканлиги аниқланган.
Ушбу факт бўйича «Безорилик» моддаси билан жиноий иш қўзғатилиб, 2008 йилда туғилган Н.Б. исмли фуқаро гумондор сифатида ушланиб, вақтинчалик сақлаш ҳибсхонасига олиб кетилган.
Ҳозирда тергов давом этмоқда.
