Ўшдаги «Достук» чегара назорат пунктида Қирғизистонга прекурсорларни яширинча олиб киришга уринган икки хорижий фуқаро ушланди. Бу ҳақда ИИМнинг Гиёҳванд моддаларга қарши кураш хизматидан билдиришди.
Маълумотга кўра, Ўш шаҳридаги «Достук» чегара назорат пунктида Ўш божхона хизмати ходимлари билан ҳамкорликда олиб борилган тадбирлар давомида Қирғизистонга прекурсорларни яширинча олиб киришга уринган икки хорижий фуқаро – 1981-йилда туғилган Ш.Ж. ва 1994-йилда туғилган Ю.Ш. ушланган.
Улардан қонун билан тақиқланган, жами 6 кг 806 грамм прекурсорлар мусодара қилинди. Қўлга олинган фуқаролар Ўш шаҳар Ички ишлар бошқармасининг вақтинчалик сақлаш ҳибсхонасига олиб кетилди.
Юқорида айтиб ўтилган факт бўйича ҚР Жиноят кодексининг 285-моддаси бўйича жиноий иш қўзғатилди.
Мусодара қилинган прекурсорлар бўйича суд-кимёвий экспертизалар тайинланган.
ИИВнинг Гиёҳванд моддаларнинг ноқонуний айланишига қарши кураш хизмати гиёҳванд моддаларнинг ноқонуний айланишига қарши курашни кучайтириш, давлат чегараси хавфсизлигини таъминлаш ва унинг олдини олишни давом эттиришини маълум қилди.
